16−17 июнь кунлари Қосим-Жомарт Тоқаевнинг таклифига биноан Хитой Халқ Республикаси раиси Си Сзинпин Қозоғистонга келади.

17 июнь куни Остона шаҳрида минтақа давлатлари раҳбарлари иштирокида “Марказий Осиё — Хитой” иккинчи саммити бўлиб ўтиши ҳам режа қилинган.

Саммитда Ўзбекистон, Қозоғистон, Қирғизистон, Тожикистон ва Туркманистон президентлари, шунингдек, ХХР раиси иштирок этади.

Бу форматдаги илк саммит 2023 йил 18−19 май кунлари Циан шаҳрида бўлиб ўтганди. Ўзбекистон президенти ўз нутқида олти давлатнинг миллий ривожланиш стратегиясини боғлаш, “янги иқтисодий мулоқот”ни шакллантириш, ўзаро боғлиқликни кучайтириш ва минтақа давлатларининг 2030 йилга бориб Хитой билан товар айирбошлаш ҳажмини икки баравар оширишни таклиф қилган.