Франция президенти Эммануэль Макрон агар Евроиттифоқ 15 ёшдан кичик болаларга ижтимоий тармоқлардан фойдаланишни чекламаса, буни Франция ҳукумати тақиқлашини маълум қилди. Бу ҳақда Медуза Le Figaro нашрига таяниб хабар берди.

Мазкур фикрни Макрон Ножан-Сюр-Мар шаҳридаги мактабда ўқувчи мактаб ходимасига пичоқ билан ташланган ҳолатига изоҳ бераётиб айтиб ўтган. Унга кўра, Евроиттифоқ бир неча ой ичида тегишли қарорни қабул қилиши керак.

"Акс ҳолда, биз буни Францияда амалга оширамиз. Биз кута олмаймиз", – дейди Макрон.