Хабарингиз бор, бугун, 10 июнь куни «Бунёдкор» стадионида Ўзбекистон миллий терма жамоаси Жаҳон чемпионати саралашининг сўнгги учрашувида Қатарга қарши майдонга тушади. Мазкур ўйин олдидан мамлакат терма жамоаси Жаҳон чемпионати йўлланмасини қўлга киритилгани муносабати билан байрам тадбири ташкил этилади. Бу ҳақда Ўзбекистон футбол ассоциацияси хабар берди.

Мазкур учрашувга чипта олган барча футбол ишқибозлари стадионга имкон қадар эртароқ келиб, ўз жойларини эгаллашлари сўралган. Стадион мухлислар учун учрашув бошланишидан 3 соат олдин (15:45) да очилиши маълум қилинган.

Ўйин якунига етгач, тарихий натижа қайд этиб, халқимизни хурсанд қилган миллий терма жамоа аъзоларини тақдирлаш маросими ўтказилади.