Mobiuz телекоммуникация компаниясининг халқаро хусусийлаштириш жараёни бошланди, деб ёзади Ўзбекистон Республикаси давлат активларини бошқариш агентлиги. 

Унда агентлик “Universal Mobile Systems” МЧЖ (савдо белгиси – Mobiuz) устав капиталидаги 100 фоиз давлат улушини хусусийлаштириш бўйича халқаро очиқ савдо жараёни бошланганини маълум қилган. Унга кўра, хусусийлаштириш очиқ рақобат асосида амалга оширилади, унда ҳам маҳаллий, ҳам халқаро даражада барча қизиқувчилар қатнашиши мумкин.

Савдо уч босқичда амалга оширилади:

- сотиб олишга қизиқиш билдириш;
- мажбуриятга эга бўлмаган таклифларни қабул қилиш;
- мажбуриятга эга бўлган таклифларни қабул қилиш

Қизиқиш билдирган инвесторлар 1 августгача ариза топшириши мумкин. Санкцияга тушган шахслар ёки улар билан алоқаси бор компаниялар савдода иштирок эта олмайди.