“Узбеккосмос” агентлиги директор ўринбосари Муҳиддин Ибрагимов Казинформ халқаро ахборот агентлигига маълум қилишича, Ўзбекистон 2028 йилгача илк миллий илмий-техникавий сунъий йўлдошини орбитага чиқаришни режалаштирмоқда.

Лойиҳа доирасида етти нафар ўзбекистонлик талаба Япониянинг Қюшу Технология институтида таҳсил олиб, сунъий йўлдош яратиш ва учириш бўйича билим ва тажрибага эга бўлади. Таълим 2027 йилгача якунланиб, ундан сўнг космосга учиришга тайёргарлик босқичи бошланади.
 

Айни пайтда АҚШнинг “SpaceX” компанияси билан музокаралар олиб борилмоқда. Чунки орбитага чиқиш учун олдиндан жой банд қилиш талаб этилади.