Қирғизистон суди мамлакатнинг тўртинчи президенти Алмазбек Атамбаевни сиртдан 11,5 йилга озодликдан маҳрум қилди. Бу ҳақда Коммерсантъ нашри хабар берди. Атамбаев шунингдек, барча давлат мукофотларидан маҳрум этилиб, барча мулки мусодара қилинади.

Собиқ президент қуйидаги жиноятларда айбдор деб топилган:

- Қўй-Тошдаги ер участкаларни ноқонуний ўзлаштириш ва 2019 йил тартибсизликлар;

- Бишкек иссиқлик электростанциясини модернизация қилишда коррупция;

- 2019 йил 7-8 август кунлари Қўй-Тошдаги тартибсизликлар уюштириш.

Қирғизистоннинг жорий президенти Садир Жапаров Алмазбек Атамбаевни афв этиш эҳтимоли ҳақида гапирди:

"Қўй-Тошдаги воқеаларга олти йил бўлди.  Ҳаммаси аллақачон тинчиб бўлган. Агар у афв сўраб мурожаат қилса, мен уни кечиришим мумкин", — дейди у.