11 июндан бошлаб, Тошкент шаҳридан Қирғизистоннинг Чўлпонота (Иссиқкўл) шаҳригача мавсумий автобус қатновлари бошланади, дея хабар бермоқда Транспорт вазирлиги матбуот хизмати. 

Қатновлар ҳар куни Ютонг автобусларида амалга оширилади. Автобус соат 15:00 да Тошкент автовокзалидан жўнайди.

Чипта нархи 300 минг сўм этиб белгиланган ва қатновлар “Uzautotrans Service” МЧЖ томонидан амалга оширилади.

Маълумот учун, Тошкент-Чўлпонота халқаро автобус йўналиши 2022 йилнинг июнида очилган. Саёҳат вақти 20 соат, йўналиш узунлиги 1060 километрни ташкил қилади.

Қўшимча маълумот учун қуйидаги телефон рақамларига мурожаат қилиш мумкин:  

+998 71 207-87-00, +998 94 131-99-99, +998 88 666-15-15.