Жамоат транспорти орқали ҳайит намозида иштирок этишни режалаштираётган фуқаролар учун қулайлик яратиш мақсадида, Қурбон ҳайити муносабати билан Тошкентда жамоат транспорти соат 03:00 дан ҳаракатни бошлайди. Бу ҳақда Тошкент шаҳар транспорт бош бошқармаси хабар берди.

Қайд этилишича, 2025 йил 6 июнь, жума куни Қурбон ҳайити муносабати билан фуқароларга янада қулайлик яратиш мақсадида Тошкент шаҳридаги автобус йўналишлари ва метрополитен соат 03:00 дан ўз ҳаракатини бошлайди. Ушбу қарор жамоат транспорти орқали ҳайит намозида иштирок этишни режалаштираётган фуқаролар учун қулайлик яратиш мақсадида қабул қилинди.