«Uzbekistan Airways» АЖ Олмаота, Ақтўбе ва Оқтовга парвозлар бекор қилинганини маълум қилди.⠀

Қайд қилинишича, 2022 йил 8 январдан 13 январгача режалаштирилган Тошкент-Олмаота-Тошкент, Самарқанд-Олмаота-Самарқанд, Нукус-Ақтўбе-Нукус, Урганч-Оқтов-Урганч, Нукус-Оқтов-Нукус йўналишлари бўйича авиақатновлари етиб борадиган аэропортларнинг техник сабабларига кўра бекор қилинди.

Хабарга кўра, Олмаота, Ақтўбе, Оқтовга бекор бўлган парвозлар йўловчилари авиачипталарининг тўлиқ қийматини чипта сотиб олинган жойда қайтариб олишлари ёки бошқа санага бепул қайта бронлаш ҳуқуқига эгадирлар.