Президент Шавкат Мирзиёевнинг бюджет ташкилотлари ходимларининг иш ҳақи, пенсия, нафақа ва стипендияларни 10 фоизга, яъни инфляциядан паст бўлмаган даражага оширишга доир фармони имзоланди.

Бу ҳақда бош вазир ўринбосари, иқтисодиёт ва молия вазири Жамшид Қўчқоров Қонунчилик палатасидаги ҳисоботида мазкур ҳужжат яқин соатларда эълон қилинишини маълум қилди.

Унга кўра, 2025 йил 1 июлдан:

- Пенсиялар ва нафақалар
- Кам таъминланган оилаларга болалар нафақалари ва моддий ёрдам тўловлари 10 фоизга оширилади.

 

2025 йил 1 августдан:

- Бюджет ташкилотлари ходимларининг иш ҳақи
- Талабалар ва ўқувчилар стипендиялари 10 фоизга оширилади.

Маълумот учун, 2024 йил сентябрда пенсия ва нафақалар 15% га, октябрда маошлар 10–15% га оширилган эди.