BBC'нинг бутун дунё бўйлаб ёввойи табиат ҳақидаги кенг кўламли фильмлар устида иш олиб бораётган суратга олиш гуруҳи Ўзбекистонга сўнги бир йил ичида учинчи марта ташриф буюрди.

Гуруҳ ҳозирда Қорақалпоғистоннинг Мўйноқ туманида бўлиб, Орол денгизи тубидаги табиий муҳитда Trapelus sanguinolentus турига мансуб чўл агамаларининг ҳаётини кузатмоқда.

Фильмдан кўзланган мақсад денгиз қуриб қолганига қарамай, унинг ўрнида жонли чўл пайдо бўлгани, у ерда турли хил ёввойи ҳайвонлар ҳаёт кечираётгани ҳақида ҳикоя қилишдир.

Хабарга кўра, 2024- ва 2025 йилларда BBC'нинг суратга олиш гуруҳи Ўзбекистоннинг Навоий вилоятида бўлиб, у ерда ёввойи табиатда йирик қушқўрғонларни ва мамлакатимизнинг биологик хилма-хилликни сақлаш борасидаги саъй-ҳаракатларини суратга олган.