Ханти-Мансилар мухтор округи парламентида сўнгги мажлис чоғида депутат Холид Тагизаденинг баёноти катта муҳокамаларга сабаб бўлди.

Унга кўра, Ўзбекистондан ушбу ҳудудга келаётган мигрантлар аслида ўз аждодларининг ватанига қайтмоқда.

Депутат таъкидлашича, бу ерлар илгари Сибир хонлиги таркибида бўлган ва унинг сўнгги ҳукмдори Шайбонийлар сулоласидан чиққан Кучумхон эди. Шу боис, у ҳозирги ўзбекларни оддий меҳнат муҳожирлари эмас, балки тарихий меросхўрлар сифатида кўриш керак.

Парламент раиси бу мавзудаги муҳокамани тўхтатишга уринган. Бироқ Тагизаде нутқи билан Сибир ва Марказий Осиё ўртасидаги тарихий боғлиқлик масаласини яна кун тартибига олиб чиқди.