Ўзбекистонда олий таълим муассасалари талабалари, академик лицей ва ҳунар мактаблари ўқувчилари учун таътил муддати 24 январгача узайтирилгани маълум қилинди.

Ижтимоий тармоқ фойдаланувчилари ўртасида мактаб ўқувчиларининг қишки таътилида ҳам узайтирилиш бор-йўқлиги борасида саволлар пайдо бўлди. Халқ таълими вазирлиги ҳолатга изоҳ берди.

Вазирлик матбуот котибининг сўзларига кўра, мактаб ўқувчиларининг таътил кунлари узайтирилмайди. Таътил 14 календарь кун, яъни 2022 йил 10 январгача давом этади. III чорак 11 январдан бошланади.