Бугун, 30 май куни Ўзбекистон Республикаси Президенти Қозоғистонга ташриф буюради.

У ерда Шавкат Мирзиёев Қозоғистон Республикаси Президенти Қасим-Жомарт Тоқаевнинг таклифига биноан Остона шаҳрида бўлиб ўтадиган «Марказий Осиё – Италия» форматидаги олий даражадаги саммитда иштирок этади.

Хабарда ёзилишича, тадбирда минтақа мамлакатлари етакчилари ва Италия Бош вазири иштирок этиши кўзда тутилган.

Кун тартибидан кўп қиррали ҳамкорликни, энг аввало «яшил» иқтисодиёт, инвестиция, инновация, фан ва таълим соҳаларида янада ривожлантириш масалалари ўрин олган.