Oxford Economics Global Cities Index 2025 натижаларига кўра, Олмаота Марказий Осиёнинг энг яхши шаҳри деб топилган.

Oxford Economics — иқтисодий консалтинг бўйича мустақил компания бўлиб, унинг 2025 йилда янгиланган индекси шаҳарларнинг структуравий афзалликлари, имкониятлари ва дуч келинадиган муаммоларини акс эттиради. Баҳолаш 5 та категория бўйича турли кўрсатгичлар, хусусан:

- иқтисодиёт;

- инсон капитали;

- ҳаёт сифати;

- экология

- бошқарув бўйича амалга оширилади.

Дунёнинг 1000 та энг яхши шаҳри рўйхатида Алмати 258-ўринни эгаллади. Бундан ташқари, инсон капитали тоифасида шаҳар 64-ўринда қайд этилди. Айни пайтда Қозоғистоннинг жанубий пойтахти Марказий Осиёда биринчи ўринда туради.

Мазкур индексда Тошкент шаҳри ҳам баҳоланиб, Марказий Осиёнинг энг яхши шаҳарлари рейтингида учинчи, умумий рейтингда 471-ўринни эгаллаган. 

Марказий Осиёнинг энг яхши шаҳарлари:

- Олмаота (258-ўрин);

- Остона (276-ўрин);

- Тошкент (471-ўрин);

- Бишкек (498-ўрин);

- Чимкент (534-ўрин);

- Ашхобод (623-ўрин);

- Душанбе (683-ўрин).

Дунёнинг энг яхши шаҳарлари (топ 10):

1. Нью-Йорк (АҚШ);
2. Лондон (Буюк Британия);
3. Париж (Франция);
4. Сан-Хосе (АҚШ);
5. Сиэтл (АҚШ);
6. Мельбурн (Австралия);
7. Сидней (Австралия);
8. Бостон (АҚШ);
9. Токио (Япония);
10. Сан-Франциско (АҚШ).