27 май куни Наманган вилояти ҳокимлигида йиғилиш бўлиб ўтди. Бу ҳақда Наманган вилояти ҳокимлиги Ахборот хизмати хабар берди.

Қайд этилишича, йиғилишда Наманган вилояти ҳокимининг ёшлар сиёсати, ижтимоий ривожлантириш ҳамда маънавий-маърифий ишлар бўйича янги ўринбосари – Базаров Отабек Хасанбоевич жамоатчиликка таништирилган.

О. Базаров мазкур тайинловга қадар Олий таълим, фан ва инновациялар вазирлиги Илм-фан ва инновацион фаолиятни ривожлантириш бошқармаси бошлиғи лавозимида фаолият юритган.

Наманган вилояти ҳокими Шавкатжон Абдураззоқов янги ўринбосарга масъулиятли вазифасида муваффақиятлар тилаб, ундан ёшлар билан самарали ишлаш, маънавий-маърифий фаолиятни янги босқичга олиб чиқиш борасида юқори натижалар кутилаётгани таъкидланди.