Ўзбекистонда 2024 йилда туғилишда кутилаётган умр кўриш давомийлиги 75,1 ёшни ташкил этди.

Миллий статистика қўмитаси маълумотларига кўра, туғилишда кутилаётган умр кўриш давомийлиги бўйича энг яхши кўрсаткич Тошкент шаҳрида кузатилиши кутилмоқда. Жумладан, бу ҳудудда 2024 йилда туғилганларнинг умр давомийлиги 76,8 ёш бўлиши мумкин.

Кейинги ўринда Фарғона вилояти жой олган – 76,6 ёш.

Энг юқори учликни Бухоро вилояти якунлаган – 76,3 ёш.

Қолган вилоятларда туғилишда кутилаётган умр кўриш давомийлиги қуйидагича:

▪️ Жиззах вилояти – 76 ёш;

▪️ Навоий вилояти – 75,8 ёш;

▪️ Тошкент вилояти – 75,1 ёш;

▪️ Самарқанд вилояти – 74,8 ёш;

▪️ Наманган вилояти – 74,6 ёш;

▪️ Хоразм вилояти – 74,6 ёш;

▪️ Қашқадарё вилояти – 74,4 ёш;

▪️ Сурхондарё вилояти – 74 ёш;

▪️ Андижон вилояти – 73,7 ёш;

▪️ Қорақалпоғистон Республикаси – 73 ёш;

▪️ Сирдарё вилояти – 72,2 ёш.

Олдинроқ Ўзбекистон аҳолисининг ўртача ёши маълум қилинган эди.