Туркия давлати собиқ президенти Абдуллоҳ Гул рафиқаси Хайриниса Гул билан биргаликда биринчи бор Ўзбекистонга ташриф буюрди.

Бу ҳақида собиқ раҳбар ўз Meta (Фаcебоок) саҳифасида маълум қилди.

“Турк-ислом тарихининг “олтин даври”га гувоҳ бўлган Тошкент, Самарқанд, Бухоро ва Хивага биринчи марта ташриф буюряпман. Ўзбекистондаги ўзгаришлар, жонланиш ва тараққиёт мени лол қолдирди”, деб ёзди у ўз саҳифасида.

Собиқ президентга Ўзбекистоннинг Туркиядаги собиқ элчиси, ҳозирда Сенатда қўмита раиси лавозимида бўлган Алишер Аъзамхўжаев ҳамроҳлик қилган.

Маълумот учун, Абдуллоҳ Гул 2007-2014 йилларда Туркиянинг президенти бўлган. У мамлакатнинг ўн биринчи президенти ҳисобланади.