Бирлашган Араб Амирлиги 5 июнь куни бўлиб ўтадиган учрашув учун чипталар сотувга чиқарилганини эълон қилди.

Таъкидланишича, ОФК регламентига мувофиқ меҳмонлар учун стадион сиғимининг саккиз фоизига тенг чипталар тақдим этилади.

Маълум бўлишича, стандарт секторлар учун чипта нархи 20 дирҳамга (70 минг сўм атрофида – таҳр.) баҳоланмоқда.

Хабарга кўра, чипталар тез фурсатда сотилиб кетмоқда.

Эслатиб ўтиш лозим, БАА-Ўзбекистон ўйини 5 июнь куни Абу-Дабидаги 15 минг томошабинга мўлжалланган "Ал Наҳайён" стадионида ўтказилади.