Вазирлар Маҳкамасининг тегишли қарори билан Олий таълимда бир қатор тайинловлар амалга оширилди. Бу ҳақда Олий таълим, фан ва инновациялар вазирлиги хабар берди.

Хусусан:

Дилноза Шавкатовна Хўжаева Қўқон давлат университети ректори этиб тайинланди. У бунга қадар Қўқон давлат педагогика институти ректори лавозимида ишлаган.

Тўлаганов Баҳром Абдуқобилович Тошкент архитектура-қурилиш университети ректори этиб тайинланди. У тайинловга қадар Тошкент архитектура-қурилиш университети Стратегик ривожлантириш бўйича биринчи проректори лавозимида ишлаб келаётганди.

Садоқат Ғаффоровна Сиддиқова Бухоро давлат техника университети ректори этиб тайинланди. С.Сиддиқова бунгача Бухоро муҳандислик-технология институти ректори лавозимида ишлаган.

Расул Нортожиевич Тўраев Термиз давлат муҳандислик ва агротехнологиялар университети ректори этиб тайинланди. Р.Тўраев тайинловга қадар Термиз давлат университетининг Ўқув ишлари бўйича проректори сифатида фаолият юритган.