Ўзбекистон республикаси Президенти Шавкат Мирзиёев "2025-2026 йилларда сайёҳлар оқимини кескин кўпайтириш ва туристик хизматлар кўламини жадал кенгайтириш орқали туризмнинг иқтисодиётдаги ўрни ва аҳамиятини ошириш чора-тадбирлари тўғрисида" қарор қабул қилди. Унга кўра Президент Ташқи ишлар вазирлигига уч ой муддатда қуйидагилар бўйича музокараларни бошлаш ва таклифлар киритишни топширди:

- Россия, Қозоғистон ва Озарбайжон фуқаролари учун ички паспорт ёки ID-карта, 16 ёшгача бўлган болаларга “киндер паспорти” билан Ўзбекистонга 30 кунгача визасиз киришга рухсат бериш;
- АҚШ фуқаролари учун 30 кунлик визасиз режим жорий этиш.
- Ўзбекистон фуқаролари учун АҚШга саёҳат қилишда виза тартибини енгиллаштириш.