Ихтисослаштирилган таълим муассасалари агентлиги тизимидаги Президент мактабларига 2025/2026-ўқув йили учун ҳужжатлар қабули 1 июндан – 20 июнга қадар онлайн шаклда my.gov.uz ҳамда аriza.piima.uz сайти орқали амалга оширилади.

Ҳужжат топширишда:

➖ туғилганлик тўғрисидаги гувоҳномаси;

➖ фотосурати (охирги 2 ойда олинган);

➖ ота-онаси ёки унинг ўрнини босувчи шахснинг паспорт маълумотлари ва телефон рақамлари (доимий ишлаб турган телефон рақамлари аниқ ва бехато киритилиши лозим);

➖ баҳолар табели нусхаси (директор томонидан тасдиқланган) кабилар талаб этилади.

Эслатиб ўтиш лозим, талабгорнинг баҳолар табелидаги математика ва табиатшунослик фанларидан 4-синфдаги йиллик баҳолари «5» (аъло) бўлиши лозим.

Маълумот учун, Президент мактабларига 4-синфни тугатган ўқувчилар қабул қилинади (5-синфга).

Мазкур турдаги мактаблар рўйхати ушбу ҳаволада келтирилган.