2025 йил 30 июндан бошлаб визасиз тартибда Россияга келаётган чет эл фуқаролари «Gosuslugi RuID» мобил иловаси орқали олдиндан рўйхатдан ўтиши ва QR-код олиши шарт бўлади, деб хабар берди Ташқи ишлар вазири матбуот котиби Аҳрор Бурхонов.

Маълум бўлишича, QR-кодни чегарадан ўтишда тақдим этиш талаб этилади.

Бунда рўйхатдан ўтиш учун:

▪️ шахсий кабинет яратиш;

▪️ фотосурат ва шахсий маълумотларни юклаш;

▪️ Россияда бўлиш муддатини кўрсатиш керак.

Ариза сафардан камида 72 соат олдин берилиши лозим.

Агар келиш зарурати тўсатдан (масалан, оғир касаллик ёки яқин қариндош вафоти) пайдо бўлса, аризани 4 соат қолганда ҳам топшириш мумкин.

Қуйидагилар рўйхатдан ўтишдан озод қилинади:

➖ Беларусь фуқаролари;

➖ 6 ёшгача бўлган болалар;

➖ виза, вақтинчалик ёки доимий яшаш рухсатномасига эга шахслар.

6 ёшдан 18 ёшгача бўлган болалар учун аризани уларнинг ота-оналари ёки қонуний вакиллари топширади — уларда ҳам шахсий рўйхатдан ўтиш коди бўлиши шарт.