goEast 2025: Марказий ва Шарқий Европа фильмлари фестивалида ўзбекистонлик истеъдодли режиссёр Ҳуснора Рўзматованинг “Сустхотин қўшиғи” филми иккита номинацияда ғолиб деб топилди.

 23-29 апрель кунлари Германияда ўтказилган халқаро фильм фестивалида Ўзбектелефилм буюртмаси билан суратга олинган “Сустхотин” филми “Халқаро ҳакамлар ҳайъатининг алоҳида эътирофи” номинациясини қўлга киритди. Шунингдек, картина немис тилида сўзлашувчи уч мамлакат телеканалларида эфирга узатишни назарда тутувчи яна бир номинация – “3sat Broadcast Selection”да ғолибига айланди. Энди ушбу филм Австрия, Венгрия, Германия телеканаллари томонидан сотиб олиниб, намойиш этилади.

Эслатиб ўтамиз, Ҳуснора Рўзматованинг шу кунгача “Бахтсиз куйов”, “Репетиция” каби фильмлари ҳам халқаро эътирофларга сазовор бўлган.