Рим папаси Франциск 21 апрель куни Ватикандаги ўз қароргоҳида, 88 ёшида вафот этди. Бу ҳақда AFP Ватикан агентлиги маълум қилди.

Франциск 14 февраль куни узоқ давом этган бронхит билан шифохонага жойлаштирилиб, 23 март куни унга рухсат берилади. Даволаш жараёнида унга икки томонлама пневмония ташхиси қўйилиб, унинг нафас йўлларида кўплаб инфекциялар аниқланган. Кейинчалик маълум бўлишича, шифокорлар бу асоратлар билан бемор вафот этиши мумкинлигидан ҳам огоҳлантирган.

Франциск 1936 йил 17 декабрь куни Аргентина пойтахти Буэнос-Айреседа, италиялик темирйўлчилар оиласида дунёга келган.