Элёрбек Раҳматиллаевич Каримов Андижон вилояти Андижон шаҳар ҳокими лавозимига тайинланди. Бу ҳақда Андижон вилояти ҳокимлиги матбуот хизмати хабар берди.

Элёрбек Каримов 1986 йилда Избоскан туманида туғилган. 2008 йилда Андижон қишлоқ хўжалик институтини тамомлаган.

Меҳнат фаолияти давомида ғазначилик ҳамда молия тизимининг туман ҳамда вилоят идораларида масъул лавозимларда, шунингдек, Избоскан тумани ҳокимининг биринчи ўринбосари, вилоят инвестициялар, саноат ва савдо бошқармаси бошлиғининг биринчи ўринбосари, Ўзбекистон Савдо-саноат палатаси Андижон вилояти ҳудудий бошқармаси бошлиғи лавозимларида фаолият юритган.

У бугунга қадар Избоскан тумани ҳокими лавозимида фаолият юритаётган эди.