Куни кеча ижтимоий тармоқларда мактаб ўқувчилари винетка учун кортедж хизматидан фойдалангани акс этган видео тарқалди. Ҳолат юзасиданНаманган вилояти мактабгача ва мактаб таълими бошқармаси Ахборот хизмати расмий муносабат билдирди.

Унга кўра, мазкур ҳолат жорий йилнинг 13 апрель, якшанба куни Наманган шаҳридаги 14-умумтаълим мактабида содир бўлган. Кортедж машиналари ўқувчилар иштирокида видеоролик олиш учун мактаб ҳудудига сўроқсиз кирган.

Қайд этилишича, ҳолат юзасидан шаҳар ички ишлар бўлими ходимлари томонидан ўқувчиларнинг ота-оналари ва ўзини тадбиркор деб тақдим этган фуқаролар билан тушунтириш ишлари олиб борилган. Шунингдек, масъулларга нисбатан тегишли чоралар ҳам кўрган.