Henley & Partners халқаро консалтинг компанияси дунёнинг энг қиммат шаҳарларини маълум қилди.

Хабарга кўра, Франциянинг Монако шаҳри ушбу рўйхатда 1-ўринда туради. Чунки мазкур шаҳарда яшовчи аҳолининг 40 фоиздан ортиғини миллионерлар ташкил қилади. Бундан ташқари, у ер ўта бой инсонлар учун дунёдаги энг хавфсиз бошпана ҳам ҳисобланади.

Монакода яшамоқчи бўлганлар квартира сотиб олиш учун 1 метр/квадратга 38 800 АҚШ долларидан ошиқроқ пул тўлаши керак бўлади.

2-ўринни АҚШнинг Нью-Йорк шаҳри банд қилган. У ерда квартиранинг ҳар метр/квадрати 27 500 доллардан сотилади. Ундан кейинги ўринларда Гонконг (3-ўрин, м² учун 26 300 доллар), Лондон (4-ўрин, м² учун 24 000 доллар), Сен-Жан-Кап-Ферра (5-ўрин, м² учун 21 200 доллар), Париж (6-ўрин, м² учун 24 000 доллар), Сидней (7-ўрин, м² учун 19 500 доллар) шаҳарлари жой олган.

2025 йилги энг қиммат шаҳарлар рўйхатига Франция шаҳарлари кўпроқ киритилган.