Бугун, 9 апрель куни тармоқларда Андижон вилояти, Камбағалликни қисқартириш ва бандликка кўмаклашиш бўлими бошлиғи ўринбосари психотроп моддасини қабул қилаётгани акс этган суратлар тарқалди. Хабарларда айтилишича, мулозим ушбу моддани давлат идорасида, ўз хизмат хонасида қабул қилган.

Камбағалликни қисқартириш ва бандлик вазирлиги ҳолат юзасидан расмий муносабат билдирди. Унга кўра, мазкур ҳолат ҳуқуқ тартибот органлари томонидан назоратга олинган. Айни пайтда тегишли тартибда суриштирувлар олиб борилмоқда. Суриштирув ишлари якунига кўра, ҳолатга батафсил изоҳ берилиши қайд этилган.