Бугун, 9 апрель куни кундузи ёғингарчилик кутилмайди. Бу ҳақда Гидрометеорология хизмати агентлиги маълум қилди.

Фақат Фарғона водийси вилоятларида, куннинг биринчи ярмида Қашқадарё, Сурхондарё, Тошкент, Сирдарё, Самарқанд, Жиззах вилоятларида баъзи жойларда ёмғир ёғади, момақалдироқ бўлиши мумкин. Шамол 7-12 м/с тезликда эсиб, ҳарорат 21-26° бўлади.

Пойтахт Тошкент шаҳрида ҳарорат 22-24° бўлиб, ёғингарчилик кутилмайди. Шамол 5-10 м/с тезликда эсади.

Тоғ олди ва тоғли ҳудудларда вақти-вақти билан ёмғир ёғади, баъзи жойларда кучли бўлади. Момақалдироқ кузатилиши мумкин. Сел-сув тошқин ҳодисалари юзага келиши мумкин. Шамол 7-12 м/с тезликда эсади. Ҳарорат 13-18° бўлади.