Туркия Буюк Миллат Мажлиси (ТБММ) раиси Нуман Куртулмуш Ўзбекистоннинг қадимий Хива шаҳрида Ислом ҳамкорлик ёшлар форуми (ИCЙФ) томонидан ташкил этилган «Ёшлар Турк дунёсининг кўтарилаётган юлдузи: муштарак меросимиз, муштарак келажагимиз» мавзусидаги анжуманда сўзлади.

У ўз мурожаатида Марказий Осиёдан Анадолу, Болқон ва Европагача бўлган 300 миллион аҳолини бирлаштирган Турк дунёси кучайиб бораётган глобал кучга айланиб бораётганини ва Шарқ билан Ғарб, Шимол ва Жануб ўртасидаги тарангликдан холи янги тинчлик ўқини яратиш салоҳиятига эга эканлигини таъкидлаган.

«Туркий дунё умумий алифбога эга бўлиши керак. Кейин умумий тарих яратишимиз лозим. Бу энг муҳим низомларимиздан бири. Шундагина 300 миллион киши ягона шахсият ва умумий мерос вакилига айланади», – деган у ўз нутқида.

Шунингдек, Куртулмуш туркий халқлар маданияти давлат чегараларидан устун эканини урғулаган:

«Қозоғистондаги Аҳмад Яссавийни Хивадаги Юсуф Ҳамадонийдан ажратадиган чегара йўқ. Қирғизистон билан Ўзбекистондаги маданий мерос ўртасида масофа деган нарса йўқ».

Туркия Буюк Миллат Мажлиси (ТБММ) раиси илм-фан ва технологиялар мавзусида Туркиянинг мудофаа саноатидаги ютуқларини тилга олар экан, Қуртулмуш мазкур ютуқлар бутун дунёда мудофаа стратегияларини ўзгартирганини қайд этган ва туркий давлатлар ўртасида юқори технологиялар соҳасида ҳамкорликни кучайтиришга чақирган.