Темур Раҳмонов Ўзбекистоннинг Финляндиядаги элчиси этиб тайинланди. Бу ҳақда "Дунё" АА хабар берди.

Темур Раҳмонов ушбу мамлакат Президенти Александр Стуббга ишонч ёрлиқларини топширди. Расмий тадбирдан сўнг ўтказилган мулоқотда Ўзбекистон ҳамда Финляндия ўртасидаги икки томонлама ҳамкорликнинг бугунги ҳолати ва истиқболлари муҳокама қилинди.

Финляндия етакчиси расмий Хельсинки ва Тошкент ўртасидаги сиёсий мулоқот ҳамда икки томонлама савдо-иқтисодий ҳамкорликнинг ривожланиб бораётганини юқори баҳолаб, Ўзбекистоннинг минтақадаги муҳим ўрнини қайд этди ва мамлакатимиз билан сиёсий-иқтисодий алоқаларни янада ривожлантиришдан манфаатдорлигини тасдиқлади.

Маълумот ўрнида, Тимур Раҳмонов 2024 йил 13 март куни Ўзбекистоннинг янги тайинланган элчиси сифатида Рига шаҳрига борган эди. Ушбу лавозимга тайинланишидан олдин у 2021-2024 йилларда мамлакатимизнинг Новосибирск шаҳридаги бош консули бўлиб ишлаган. 2024 йил 17 июнь куни Ўзбекистон элчиси сифатида Латвия Президенти Эдгарс Ринкевичсга, шунингдек, 2025 йил 11 февраль куни Литвадаги элчи сифатида (қароргоҳи Рига шаҳрида жойлашган) ушбу давлат Президенти Гитанас Науседага ишонч ёрлиқларини топширган.