Қурилиш-таъмирлаш ишлари олиб борилиши муносабати билан Олмазор туманидаги Қорасарой кўчасида транспорт воситалари ҳаракати вақтинча тўхтатилади. Бу ҳақда Тошкент шаҳар Транспорт ва йўл-транспорт инфратузилмасини ривожлантириш бош бошқармаси хабар берди.

Унга кўра, 2025 йил 2 апрелдан сентябрь ойигача йўлнинг Абдулла Қодирий кўчаси билан кесишган жойдан Нурафшон кўчаси билан кесишган жойигача бўлган қисми ёпилади.

Автобус йўналишларидаги ўзгаришлар:

42-сонли автобус: Кенсой қўрғони – Чорсу савдо маркази (Сағбон кўчаси орқали).
43-сонли автобус: Юнусобод мавзеси 6-даҳа – Фтизиатрия институти (Себзор кўчаси орқали бориш, Сағбон кўчаси орқали қайтиш).
109-сонли автобус: Чуқурсой темирйўл станцияси – Чорсу метроси (Себзор кўчаси орқали бориш, Сағбон кўчаси орқали қайтиш).