Президент Шавкат Мирзиёевнинг 61-сонли фармони билан 2025 йил 1 июндан бошлаб нуфузли халқаро фан олимпиадаларининг ғолиб ва совриндорларига тўланадиган бир марталик пул мукофотининг амалдаги миқдорлари 5 бараварга оширилади.

Энг нуфузли 5 та олимпиадада (ИМО — математика, ИБО — биология, ИЧО — кимё, ИПҳО — физика, ИОИ — информатика) ғолиб ва совриндор бўлган ўқувчиларга қуйидагича мукофот пуллари берилади:

1-ўрин: 937 млн 500 минг сўм (2500 баравар);

2-ўрин: 562 млн 500 минг сўм (1500 баравар);

3-ўрин: 375 млн сўм (1000 баравар).