Ички ишлар вазирлиги Жамоат хавфсизлиги департаменти Ҳуқуқбузарликлар профилактикаси хизмати ҳамда Соғлиқни сақлаш вазирлиги мутахассисларидан иборат ишчи гуруҳлар томонидан жорий йилнинг 29 март куни Россия Федерациясидаги ҳамда Қозоғистон Республикасидаги Ўзбекистон Республикасининг элчихоналари билан ҳамкорликда ота-она қарамоғидан маҳрум бўлган Ўзбекистон Республикаси фуқароларининг жами 21 нафар болалари Ўзбекистон Республикасига олиб келинди.

Болаларнинг барчасига тиббий, психологик ва ижтимоий ёрдамлар кўрсатилиб, 18 нафари Тошкент шаҳар ИИББ ҲПБ Вояга етмаганларга ижтимоий-ҳуқуқий ёрдам кўрсатиш марказига, 3 нафари Тошкент шаҳар болалар уйи давлат корхонасига топширилган.