Олмалиқ шаҳридаги «Теракли« маҳалласида «Дўстлик ва ҳамжиҳатлик улуғланган юрт» шиори остида маънавий-маърифий ва маданий тадбир бўлиб ўтди.

Халқлар ўртасидаги дўстлик ришталарини мустаҳкамлаш, миллатлараро аҳиллик ва ҳамкорликни янада кучайтириш кабилар мақсад қилинган бу турдаги тадбирлар давомида спорт мусобақалари, китобхонлик маданиятини кенг тарғиб қилувчи чиқишлар, шунингдек, турли миллатларнинг миллий урф-одатлари, қадриятлари ва санъати намойиш этиляпти.

Иштирокчилар миллий рақс, куй-қўшиқлар, бадиий кўринишлар орқали ўз маданий меросларини ифода этиб, ўзаро ҳурмат ва бирдамликни намоён қилмоқда.