Президент фармони билан ёшларга янада кенг имкониятлар эшиги очилмоқда.

Жумладан:

▪️ Креатив индустрия парклари ва уларнинг ҳудудий филиаллари ташкил этилади, бизнес мактаблар очилади. У ерда соҳа вакиллари ўқитилади.

▪️ Креатив парк резидентлари учун солиқ имтиёзлари жорий қилинади (2025 йил 1 майдан 2031 йил 1 январгача). Улар қуйидагича тўланади:

➖ ижтимоий солиқни ҳамда жисмоний шахслардан олинадиган даромад солиғини 50 фоиз камайтирилган ставкада тўлайди;

➖ товарларни (ишларни, хизматларни) реализация қилишдан олинган даромади миқдоридан қатъи назар айланмадан олинадиган солиқ тўловчилар тоифасига киритилади. Бунда улар ўз истагига биноан умумбелгиланган солиқ солиш тартибига ўтишлари мумкин.

▪️ C1 сертификатига эга ёшлар чекка ҳудудда тил маркази очса, фоизсиз ссуда олади. Бунда уларнинг сертификат олганига 2 йилдан ошмаган бўлиши лозим. Имтиёзли давр 6 ой бўлиб, ссуда 3 йил муддатга БҲМнинг 320 бараваригача миқдорда берилади.

▪️ «Ёрқин истеъдод» лойиҳаси орқали маҳаллалардаги фаол ёшлар хорижда ўқитилади. Ушбу жараёнда ёшларни салоҳиятига мос келадиган хорижий олийгоҳларга юбориш учун тайёргарлик курслари ташкил этилади.

Эл-юрт умиди» жамғармасига жорий йилда «Ёрқин истеъдод» лойиҳаси учун 300 миллиард сўм ажратилади.

Жамғарма орқали хорижий мамлакатларда таълим олиб қайтган стипендиатлар миллий кадрлар захирасига тўғридан-тўғри киритилади ҳамда улар давлат органлари, ташкилотлари ва муассасаларига танловсиз ишга олинади.

▪️ «Эл-юрт умиди» стипендиатлари танловсиз давлат ишига қабул қилинади ва кадрлар захирасига киритилади.

▪️ ТОП-100 ОТМнинг PhD битирувчилари учун 10 йилга фоизсиз уй-жой ссудаси ажратилади (2150 БҲМгача).

▪️ Ҳарбий ОТМ намунали курсантлари учун «Олий бош қўмондон» стипендияси жорий этилади.

▪️ Муҳандислик олимпиадалари ғолиблари мос ОТМларга грант асосида қабул қилинади.

▪️ Миллий медиа-контент ва шоулар учун Ёшлар агентлиги 100 млн сўмгача грант ажратади.

▪️ Экологик лойиҳалар учун 10 млрд сўмли «Яшил ташаббуслар жамғармаси» ташкил этилади.

▪️ Ёшлар агентлиги бинолари ижара даромадлари тўлиқ ривожлантиришга йўналтирилади.

▪️ Тошкентда Робототехника маркази ташкил этилади (2025 йил).

▪️ Тошкентда Ёшлар театр студияси очилади (2025 йил).

▪️ Самарқандда «Take OFF» стартап саммити ўтказилади (2026 йил, «Texnofest» доирасида).