Аутизм синдромига чалинган франциялик болакайнинг онаси X ижтимоий тармоғида ўғли яқин кунларда 18 ёшга тўлиши, лекин у аутист бўлгани учун туғилган кунга чақиришга бирорта дўсти йўқ эканини ёзади. Шунга қарамай, она бу кун фарзанди учун эсда қоларли ўтишини хоҳлаб, таниқли ва машҳур инсонлардан табрик видеолари юборишларини сўрайди.

Бу чақириққа жавобан, кўплаб машҳурлар орасида Франция президенти Эмануэль Макрон ҳам табрик видеосини юборган. Президент боланинг қандолатчиликка қизиқишидан хабар топгач, унга Елисей саройида амалиёт ўташни таклиф қилган.

"Салом, Максенс!

Тингла, онангдан туғилган кунинг учун ажойиб ғоя бўлган экан. У кичик тилак билдиришни сўраганди. Шу сабабли, туғилган кунинг билан табриклайман! 18-туғилган кунинг муносабати билан кўп бахт, кўп лойиҳалар тилайман!

Сенга шуни айтмоқчиманки, шу кунларда сен ҳақингда ўйлаяпман. Тушунишимча, қандолат санъати бўйича курсда таълим олишни хоҳлайсан! Демак, эшит! Ҳаммаси оддий:

агар сизга қандолат соҳасида малака ошириш керак бўлса, унда Елисей саройидаги ошхона бунга мос келади. Бизнинг ошхонамизда, қандолатчиликда ажойиб мотивацияга тўла, ғайратли ошпазлар жамоаси ишлайди. Ва агар бу ерга келиб, курс доирасида бир неча ҳафта, бир неча ой вақт ўтказа олсанг, хуш келибсан, деймиз!

Йўқ деган тақдирингда ҳам сенинг қандолат маҳсулотларингдан бажонидил татиб кўрган бўлардим.

Нима бўлганда ҳам, туғилган кунингиз билан табриклайман!

Яқин кунларда кўришгунча! Ўпиб қоламан!" - дейди Франция Президенти Эмануэль Макрон видео мурожаатида.

Бола 13 апрель куни 18 ёшга тўлади.