Экология, атроф-муҳитни муҳофаза қилиш ва иқлим ўзгариши вазирлиги ташаббуси билан, эртага 25 март куни — «Ер вақти» кунига бағишлаб махсус акция ўтказилади.

Акция доирасида барча давлат ташкилотларида электр энергияси бир соатга ўчирилади. Бундан мақсад — табиий ресурсларни асраш, тежамкорликка риоя қилиш ва бу орқали сайёрамизга ғамхўрлик кўрсатиш.

Вазирлик барчани ушбу акцияга бефарқ бўлмасликка ва кун давомида атиги 60 дақиқа электр энергиясидан фойдаланмасликка чақирмоқда.

«Бу билан сиз Ернинг табиий бойликларини асраб-авайлашга ўз ҳиссангизни қўшасиз ва бошқаларни ҳам сайёрамизга ғамхўрлик қилишга руҳлантирасиз», дейилади хабарда.