Telegram ижтимоий тармоғи орқали иш ҳақи тўғрисида маълумот берувчи «Oylikbot» (чат боти) фаолияти тўхтатилди. Бу ҳақда Иқтисодиёт ва молия вазирлиги маълум қилди.

Хабарга кўра, эндиликда унинг ўрнига муқобил сифатида яратилган, хавфсиз ва фойдаланиш учун қулай бўлган «Молиячи» ахборот тизими ишга туширилади.

Мазкур дастур ишга туширилгандан сўнг, ходимлар бевосита иш ҳақи ва бошқа зарур маълумотларни дастурдан юклаб олиш имкониятига эга бўлиши мумкин.

Вазирлик ушбу ахборот тизими қачон ишга туширилиши очиқламаган.

«Дастурнинг ишга туширилиши ҳақида расмий ижтимоий тармоқ саҳифаларимизда қўшимча ахборот тақдим этилади», дейилади хабарда.