Самарқанд вилояти Каттақўрғон туманидаги 93-мактабда ўқувчининг онаси педагогга тарсаки туширди. Бу ҳақда Миллар кўрсатувида маълум қилинди.

Ушбу ҳодиса 17 март куни соат 10:47 да тумандаги 93-мактабда содир бўлган. Ўқувчининг онаси мусиқа фани ўқитувчиси фарзандини ҳақоратлаганини айтиб, унга тарсаки туширган. Бундан хабар топган директор жанжални тўхтатган.

Самарқанд вилояти Мактабгача ва мактаб таълими бошқармаси ушбу ҳолат ҳуқуқни муҳофаза қилиш идоралари томонидан ўрганилаётганини маълум қилган.