Ҳавони фильтрлаш хусусиятига эга Ўзбекистондаги биринчи эко-мурал Тошкент шаҳрининг Сергели туманидаги кўп қаватли уйларга чизилди. Мурал муаллифи рассом Надиежда Риксиева бўлиб, лойиҳа маҳаллий тижорат банкларидан бирининг кўмаги билан амалга оширилган.

У шунчаки арт-объект эмас, 250 квадрат метрли ҳудуд ҳавосини тозалашга қодир ҳақиқий ҳаво фильтри саналади. Унда фойдаланилган бўёқлар дарахт каби ифлосланган ҳавони кислородга айлантириш хусусиятига эга. Бунда ифлосланган ҳаво заррачалари азот оксидлари расм сиртига чўкади. Қуёш нури таъсирида оксидланиш жараёни бошланади. Азот оксидлари хавфсиз нитратларга, озон эса кислородга айланади. Ёмғир ёғганида ювилиб, ҳавони тозалаш жараёни яна қайта бошланади.

Санъат ва экология уйғунлиги шаҳарни нафақат чиройли қилади, балки фуқароларнинг ҳаёт сифатини яхшилаш учун ҳақиқий ҳисса саналади.