Никоҳдан ўтиш жараёни ФҲДЁ бўлимига борилмасдан, онлайн тарзда амалга ошириш мумкин бўлади. Бунда фуқаро Ягона интерактив давлат хизматлари порталида рўйхатдан ўтади. Шундан сўнг ўзи ҳақида маълумотларни киритади ва аризани давом эттириш учун инвойс рақамини аризанинг бошқа иштирокчисига тақдим этади.

Иккинчи тараф аризани тасдиқлаган ҳолда инвойс рақамини киритиб, хизматдан фойдаланишда давом этади.

Кейинги босқичларда ариза берувчилар учун қулай бўлган ФҲДЁ бўлими, никоҳ маросими қандай тартибда ўтказилиши танланади.

Тегишли маълумотлар тўлдирилгандан сўнг ариза ФҲДЁ бўлимига юборилади.

Аризачилар бир иш куни ичида тиббий кўрикдан ўтиш учун йўлланма олиши мумкин.

Бир ойдан сўнг эса никоҳни қайд этиш учун ФҲДЁ бўлимига боради ва никоҳ шартномасини олиши мумкин бўлади.