NASA ва Япониянинг Тоҳо университети тадқиқотчилари Ердаги ҳаёт 1 млрд йилдан кейин (1 000 002 021 йил) тугашини тахмин қилди. Чунки бу даврда Ер шарида кислород қолмас экан.

Улар мазкур башоратда математик ҳисоб-китобларга таянганини билдирган.

Тадқиқотчиларнинг сўзларига кўра, ўша даврга яқинлашган сайин Қуёш секин-аста катталашиб боради. Азон қатлами йўқ бўлади ва бу Ердаги ҳароратнинг кўтарилиб кетиши сабаб бўлади. Оқибатда яшаш учун муҳим омил бўлган кислород камайиб кетади.

Олимлар бундай тахминга келишдан олдин ҳисоб-китобларни 400 марта қайта-қайта текширган. Уларнинг фикрича, инсоният кислород йўқолиб кетишининг олдини ололади. Чунки технологик тараққиёт бу сценарийдан қочишга ёрдам бериши мумкин экан.