Тошкент шаҳар ҳокими ўринбосари Шароф Раҳмонов ва Франция ташқи савдо ва хориждаги фуқаролар бўйича вазир-делегат Лоран Сен-Мартен Тошкент трамвай тизимини амалга ошириш бўйича «йўл харитаси»ни имзолади.

Бу ҳақда 12 март куни Франция Ташқи ишлар вазирлигида бўлиб ўтган вазирлик-идоралараро ҳужжатларни имзолаш маросимида қатнашган журналист Азиза Қурбонова хабар берди.

2016 йил 2 май куни Тошкентда ҳаракатланаётган сўнгги трамвай йўналиши – «Бешқайрағоч» даҳаси ва Ипподром ўртасида қатновчи 17-трамвай йўналиши ёпилган ва шу тариқа Тошкент трамвайининг 115 йиллик тарихига нуқта қўйилганди.

Янги трамвай пойтахтни Янги Тошкент билан боғлаши, линияларни Франциянинг Алстом компанияси қуриши режалаштирилган.