Франция Президенти Елисей саройидаги қабул маросимида ўзбекча гапирди, шунингдек, Instagram саҳифасида ҳам ўзбек тилида изоҳ қолдирди.

«Парижга хуш келибсиз, ҳурматли Шавкат!» дея Макрон Ўзбекистон президентини Францияга ташрифи билан табриклади.

«Мазкур давлат ташрифи билан бирга, биз Франция ва Ўзбекистон ўртасидаги дўстлик ришталарини янада юксалтириб, келажакка йўналтирилган шериклик учун берилган ваъдани бажарамиз.

Яшасин Ўзбекистон, яшасин Франция!», дея қўшимча қилган Франция президенти ўз Instagram саҳифасида.

Франция раҳбари, Instagram саҳифасига Шавкат Мирзиёевга Франциялик фотограф Пол Надар томонидан туширилган суратни совға қилгани ва Елисейда ўзбекча нутқ сўзлагани видеоларини ҳам жойлаштирган.