Тошкент шаҳар ҳокимлиги шаҳарда чиқиндиларни дуч келган жойга ташлаётган қоидабузар фуқароларга нисбатан чоралар кўрилаётгани ҳақида огоҳлантиради.

Пойтахт ҳокимлиги матбуот хизматига кўра, ҳуқуқ-тартибот органлари билан ҳамкорликда чиқинди ташлаётган қоидабузарларга қарши оммавий рейдлар ўтказилмоқда.

«Ҳокимлик шаҳарликлар мурожаатларини диққат билан тинглаб, пойтахтда тозаликни сақлаш учун қатъий чоралар кўрмоқда. Ҳуқуқ-тартибот органлари билан ҳамкорликда белгиланмаган жойларга чиқинди ташлаётган қоидабузарларга қарши оммавий рейдлар ўтказилмоқда. Уларга нисбатан амалдаги маъмурий жавобгарлик тўғрисидаги қонунларга мувофиқ жазо чоралари қўлланилади» − дейилади хабарда.

Ҳокимлик шаҳарда тозалик ва тартиб ҳар бир фуқаронинг масъулияти эканини эслатиб, аҳолини қоидаларга риоя қилишга, атроф-муҳитни ҳурмат қилишга ва она шаҳрининг ифлосланишига йўл қўймасликка чақирган.

#янгируҳият #табиатниасра