Шавкат Мирзиёев 11 март куни концертларда фонограммадан фойдаланишни тартибга солувчи қонунни имзолади. Бу ҳақда Адлия вазирлигининг «Ҳуқуқий ахборот» Telegram канали хабар берди.

Ҳужжатда жонли ижро санъатини ривожлантиришда Маданият вазирлигининг ваколатларини аниқлаштирувчи қонун ҳужжатларига ўзгартиришлар киритилган. Хусусан, концерт-томоша тадбирларида фонограммадан фойдаланишнинг турли даражалари белгиланиши қайд этилган.

Қонунчиликда шунингдек, қўшиқ ва бошқа мусиқий асарларини ижро этишнинг қуйидаги усуллари назарда тутилади:

• - жонли ижро;
• - фонограммадан қисман фойдаланилган ҳолда;
• - фонограммадан фойдаланилган ҳолда.

Фонограммадан фойдаланиш даражаси ҳақидаги маълумотлар тадбир рекламасида кўрсатилиши керак. Бу бўйича «Истеъмолчиларнинг ҳуқуқларини ҳимоя қилиш тўғрисида»ги ва «Реклама тўғрисида»ги қонунларга тегишли ўзгартишлар киритилмоқда. Концерт дастурида барча асарларнинг ижрочилари ва муаллифларини кўрсатиш талаб этилади. Қонун расмий эълон қилинганидан сўнг дарҳол кучга киради.

Ушбу қонун расман эълон қилинган кундан бошлаб кучга кириши қайд этилган.