7 март куни Ўзбекистон Республикаси Президенти хотин-қизлар тадбиркорлигини қўллаб-қувватлаш бўйича қўшимча чора-тадбирлар қабул қилди. Унга кўра, 2025 йилда хотин-қизлар лойиҳалари учун қўшимча 200 миллион АҚШ доллари ажратилади.

Маблағлар қуйидагича йўналтирилади:

Кредит ресурслари учун ажратилган 100 млн долларнинг:

• ◦ 35 млн доллари – "Халқ банки" орқали
• ◦ 35 млн доллари – "Бизнесни ривожлантириш банки" орқали
• ◦ 30 млн доллари – "Микрокредитбанк" орқали берилади.

Қолган 100 млн доллар "Маҳалла лойиҳаси" дастури доирасида берилади. Тижорат банклари орқали лойиҳаларни молиялаштириш учун ташқи молия бозорларидан маблағлар жалб қилинади:

• ▪️"Бизнесни ривожлантириш банки" орқали ажратилган маблағлар "HAMROH" дастури доирасида тадбиркор аёлларга молиявий ёрдам сифатида тақдим этилади.
• ▪️"Халқ банки" ва "Микрокредитбанк" орқали ажратилган маблағлар оилавий тадбиркорликни ривожлантириш мақсадида кредит сифатида берилади.