«Янги Тошкент» қурилишида ишлаш учун хорижда меҳнат қилаётган ўзбекистонликлар жалб қилинмоқда.

Таъкидланишича, Ўзбекистон ҳукуматининг ташаббуси билан бошланган ушбу улкан лойиҳа доирасида 10 мингга яқин иш ўринлари яратилиш арафасида.

Хабарга кўра, қурилиш соҳасида тажрибага эга бўлган фуқаролар қуйидаги 38 йўналиш бўйича ишга қабул қилинади:

🔹 Бетончи;

🔹 Сувоқчи;

🔹 Сантехник;

🔹 Электрик;

🔹 Ғишт терувчи;

🔹 Ҳамда бошқа қурилиш мутахассислари.

Бунда иш ҳақи 8-15 миллион сўм миқдорида белгиланиб, барча зарур шароитлар яратилади.

«Ўз юртингизга қайтиб, оила даврасида ишлаш ва муносиб даромад топиш имкониятини қўлдан бой берманг!», дейилади хабарда.

Хориждаги юртдошларимиз қўшимча маълумот олиш ва ишга жойлашиш учун 0 800 0000 1176 рақамига, мамлакатдаги фуқаролар эса 1176 мурожаат қилишлари мумкин.